Dentro do noso proxecto adicado a "Os animais do mundo" tivemos dúas sesións onde coñecimos a algunhas das mascotas que teñen os nen@s nas súas casas ( ademais dos seus cans que vimos en fotos). Antes das visitas preparamos as preguntas que nos axudarían a resolver as dúbidas que tiñamos: que comen, como a coidades, como xoga, como sabedes se é chico ou chica, cantos anos vive, por que lle chamáchedes así,...?
Presentámosvos a Boris, o hámster que tiña Valeria porque polo que nos contou tempo despois escapouse da casiña tan chula que lle tiñan preparada axudándose dun pau e un pouco de axilidade!!!
E este é Tron, a Tartaruga de Cristina que, como vedes, sentíase moi cómoda andando pola nosa asemblea. Na aula quedamos cunha das escamas que perdeu ... así é moito máis sinxelo comprender a anatomía dos reptiles. Veredes que na cara levamos flores, eso é porque ese día comezou a primavera e ninguén se librou de levar unha flor pintada pola profe ou por un amigo... nin sequera os profes que pasaron pola aula ... como Carlos.
Tron - diapositivas
GRAZAS MAMÁS POR AXUDARNOS NA NOSA INVESTIGACIÓN!!!! APRENDIMOS MOITO COAS VOSAS VISITAS!!!!
Ningún comentario:
Publicar un comentario
Aquí estamos para escoitarvos!!!!!